ದಾವಣಗೆರೆ: ಹರಿಹರದ ಪ್ರೊ.ಬಿ.ಕೃಷ್ಣಪ್ಪ ಮೈತ್ರಿವನದಲ್ಲಿ ಮಾನವ ಬಂಧುತ್ವ ವೇದಿಕೆ – ಕರ್ನಾಟಕ, ಪ್ರೊ.ಬಿ.ಕೆ.ಟ್ರಸ್ಟ್ (ರಿ) ಹರಿಹರ, ದಲಿತ ಕಲಾ ಮಂಡಳಿ, ಭಾರತೀಯ ಜನಕಲಾ ಸಮಿತಿ (ಇಪ್ಟಾ), ದಾವಣಗೆರೆ ಕರ್ನಾಟಕ ದಲಿತ ಸಾಹಿತ್ಯ ಪರಿಷತ್ತು, ಚಿತ್ರದುರ್ಗ ಇವರ ಸಹಯೋಗದೊಂದಿಗೆ ಅಂತರ ಜಿಲ್ಲಾ ಮಟ್ಟದ ಹೋರಾಟದ ಹಾಡುಗಳ ಕಮ್ಮಟವನ್ನು ಮಾರ್ಚ್ 22 ಮತ್ತು 23, 2025ರಂದು ಆಯೋಜಿಸಲಾಗಿತ್ತು.
ಕಮ್ಮಟದ ನಿರ್ದೇಶಕರು ಮತ್ತು ಸಂಪನ್ಮೂಲ ವ್ಯಕ್ತಿಯಾಗಿ ಕನ್ನಡ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕರಾದ ಡಾ.ಬಿ.ಎಂ.ಪುಟ್ಟಯ್ಯ, ಕಮ್ಮಟದ ಸಂಚಾಲಕರಾಗಿ ಹೆಗ್ಗೆರೆ ರಂಗಪ್ಪ, ಡಾ.ತಿಪ್ಪೇಸ್ವಾಮಿ ಕೆರೆಯಾಗಳಹಳ್ಳಿ, ಆಂಜಿನಪ್ಪ ಲೋಕಿಕೆರೆ ಕಮ್ಮಟವನ್ನು ಯಶಸ್ವಿಗೊಳಿಸಿದರು.
ಕಮ್ಮಟದಲ್ಲಿ ಮಾನವ ಬಂಧುತ್ವ ವೇದಿಕೆಯ ರಾಜ್ಯ ಸಂಚಾಲಕರಾದ ಪ್ರೊ.ಎ.ಬಿ.ರಾಮಚಂದ್ರಪ್ಪ, ಸಾಮಾಜಿಕ ಹೋರಾಟಗಾರರಾದ ರುದ್ರಪ್ಪ ಹನಗವಾಡಿ, ಡಿಸಿಸಿ ಬ್ಯಾಂಕ್ ಉಪಾಧ್ಯಕ್ಷರಾದ ಕುಮಾರಸ್ವಾಮಿ ಮೊದಲಾದವರು ಭಾಗವಹಿಸಿದ್ದರು. ಕಮ್ಮಟದಲ್ಲಿ 35 ಶಿಬಿರಾರ್ಥಿಗಳು ಭಾಗವಹಿಸಿದ್ದರು.
